ချီဖွေမြို့နယ်မှ တူးဖော်ရရှိသော မြေရှားသတ္တုများကို ပန်ဝါ၊ ဖီမော်၊ ကန်ဖန်ဂိတ်များနှင့် ကန်ပိုက်တီကုန်သွယ်ရေးစခန်းမှတဆင့် တရုတ်နိုင်ငံ ထိန်ချုံးဒေသသို့ တင်ပို့သည်။

တနင်္သာရီတိုင်းအတွင်း လက်နက်ကိုင်ပဋိပက္ခများ၌ တိုင်းရင်းသားလက်နက်ကိုင်ပူးပေါင်းတပ်ဖွဲ့များက စစ်ကောင်စီ၏ စစ်စခန်းပေါင်း ၃၀ ကျော်ကို သိမ်းယူခဲ့သည်။

မြန်မာနိုင်ငံအရှေ့တောင်ပိုင်းဒေသတွင် အဓိက EAOs ခုနစ်ဖွဲ့နှင့် PDFs တပ်ဖွဲ့ပေါင်း ၈၅ ဖွဲ့ထက်မနည်း ရှိသည်။

ကရင်အမျိုးသားအစည်းအရုံး (KNU) က သတ်မှတ်ထားသော တပ်မဟာနယ်မြေ ခုနစ်ခုရှိပြီး သက်ဆိုင်ရာခရိုင်အလိုက် စိုးမိုးလှုပ်ရှားကြသည်။ အာဏာသိမ်းမှုအလွန် ကရင်ပြည်နယ်အတွင်းဖြစ်ခဲ့သော လက်နက်ကိုင်ပဋိပက္ခအများစုမှာ KNU တပ်မဟာ-၅၊ ဖာပွန်ခရိုင်တွင် ဖြစ်ခဲ့သည်။

အမှတ်-၁ အာရှအဝေးပြေးလမ်းမ၊ မြဝတီ-ကော့ကရိတ်လမ်းပိုင်းကို ယခုတိုင် ပိတ်ထားသည်။ လမ်းပိတ်မှုကြောင့် မြန်မာ-ထိုင်းနယ်စပ်ကုန်သွယ်မှုတန်ဖိုးမှာ (၂၀၂၃ ခုနှစ်နှင့် ၂၀၂၄ ခုနှစ် ပထမခြောက်လတာကာလများကို နှိုင်းယှဉ်ချက်အရ) အမေရိကန်ဒေါ်လာ ၇၂၁ ဒသမ ၉၆ သန်းဝန်းကျင် လျော့ကျခဲ့သည်။