ရှမ်းပြည်နယ်(မြောက်ပိုင်း)နှင့် မြန်မာနိုင်ငံအလယ်ပိုင်းဒေသများတွင် မဟာဗျူဟာကျ တရုတ်ရင်းနှီးမြှုပ်နှံမှုစီမံကိန်း ၂၃ ခုရှိသည့်အနက် ၁၃ ခုကို တိုင်းရင်းသားလက်နက်ကိုင်အဖွဲ့ (EAOs)များနှင့် ပြည်သူ့ကာကွယ်ရေးတပ် (PDFs)များက အပြည့်အဝထိန်းချုပ်ထားသည်။

ရခိုင်ပြည်နယ်တွင် တရုတ်ရင်းနှီးမြှုပ်နှံမှုစီမံကိန်း စုစုပေါင်း ၁၁ ခုရှိသည့်အနက် ၁၀ ခုကို (၂၀၂၄ ခုနှစ် ဒီဇင်ဘာ ၂၄ ရက်အထိ) အာရက္ခတပ်တော် (AA) က ထိန်းချုပ်ထားသည်။

ရှမ်းပြည်နယ်(မြောက်ပိုင်း)အပါအဝင် ဆက်စပ်နေသော မြန်မာနိုင်ငံအလယ်ပိုင်းဒေသများတွင် တရုတ်ရင်းနှီးမြှုပ်နှံမှုစီမံကိန်း ၂၃ ခုရှိသည့်အနက် ၁၃ ခုကို (၂၀၂၄ ခုနှစ် ဒီဇင်ဘာ ၂၄ ရက်အထိ) တိုင်းရင်းသားလက်နက်ကိုင်အဖွဲ့ (EAOs) များနှင့် ပြည်သူ့ကာကွယ်ရေးတပ် (PDFs) များက အပြည့်အဝထိန်းချုပ်ထားသည်။

ဂိတ် ၁၄ ခုအနက် ကန်ပိုက်တီဂိတ်တခုကိုသာ စစ်ကောင်စီက ထိန်းချုပ်ထားနိုင်ပြီး ကျန် ၁၃ ခုကို တိုင်းရင်းသားလက်နက်ကိုင်အဖွဲ့များက ထိန်းချုပ်ထားသည်။

အာဏာသိမ်းမှုအလွန် သုံးနှစ်ကျော်ကာလအတွင်း နိုင်ငံအနှံ့ မြို့နယ်ပေါင်း ၁၄၉ မြို့နယ်ထက်မနည်းတွင် နေအိမ်၊ အဆောက်အအုံ တသိန်းကျော် မီးရှို့ဖျက်ဆီးခံခဲ့ရသည်။