ရှမ်းမြောက်ကုန်သွယ်ရေးလမ်း ရပ်တန့်သွားပြီးနောက် ကုန်သွယ်ရေးလမ်းသစ်လုပ်ရန် စစ်ကောင်စီက ကြိုးပမ်းနေသည်။ ‘စစ်ဆင်ရေး ၁၀၂၇’ အလွန်တွင် ရှမ်းပြည်နယ် (အရှေ့ပိုင်း) က ကျိုင်းတုံစခန်းကိုဖြတ်၍ အထူးဒေသ-၄ မိုင်းလားအဖွဲ့ (NDAA-ESS) ၏ မိုင်းလားဂိတ်မှ ကုန်သွယ်ခြင်းများရှိခဲ့သည်။

အာဏာသိမ်းမှုအလွန် သုံးနှစ်ကျော်ကာလအတွင်း မြန်မာ-တရုတ်နှစ်နိုင်ငံအကြား တရားဝင်နယ်စပ်ကုန်သွယ်ရေးစခန်းငါးခု၏ ကုန်သွယ်မှုတန်ဖိုးစုစုပေါင်းမှာ အမေရိကန်ဒေါ်လာ ၁၀ ဒသမ ၃ ဘီလီယံကျော် ရှိသည်။

အာဏာသိမ်းမှုအလွန် လက်နက်ကိုင်ပဋိပက္ခများအတွင်း အရပ်သားများအပေါ် ကျူးလွန်ခဲ့သည့် အစုလိုက်အပြုံလိုက် သတ်ဖြတ်မှု ဖြစ်စဉ်ပေါင်း ၅၇ ခုထက်မနည်း ရှိခဲ့ပြီး အရပ်သား ၁,၂၂၄ ဦးထက်မနည်း သေဆုံးခဲ့ရသည်။

နိုင်ငံအနှံ့ မြို့နယ်ပေါင်း ၂၃၃ ခုထက်မနည်းတွင် တိုက်ပွဲပေါင်း ၁၄,၄၅၇ ထက်မနည်း ဖြစ်ပွားခဲ့ပြီး မြို့ပေါင်း ၇၄ မြို့ကို တိုင်းရင်းသားလက်နက်ကိုင်တပ်ဖွဲ့များနှင့် ဒေသခံကာကွယ်ရေးပူးပေါင်းတပ်ဖွဲ့များဘက်က သိမ်းယူနိုင်ခဲ့ကြသည်။

အရှေ့ မြောက်တိုင်းစစ်ဌာနချုပ်အတွင်းမှ မြို့ပေါင်း ၁၉ မြို့ကို တိုင်းရင်းသားလက်နက်ကိုင်ပူးပေါင်းတပ်ဖွဲ့များက ထိန်းချုပ်ထားပြီး စစ်ဌာနချုပ်ကိုပါ သိမ်းယူထားသည်။