တိုက်ပွဲဖြစ်ပွားရာ မြို့နယ်များ၏ ပဋိပက္ခပြင်းထန်သက်ရောက်မှုအခြေအနေကို လေ့လာရာတွင် လူသားချင်းစာနာမှုဆိုင်ရာ အကျပ်အတည်း အညွှန်းကိန်းကို (မြို့နယ်တခုချင်းစီအလိုက် နေရပ်စွန့်ခွာ စစ်ပြေးဒုက္ခသည်အရေအတွက်ကို အခြေခံ၍) ထည့်သွင်းလေ့လာခဲ့ပါသည်။

တိုက်ပွဲဖြစ်ပွားရာ မြို့နယ်များ၏ ပဋိပက္ခပြင်းထန်သက်ရောက်မှုအခြေအနေကို လေ့လာရာတွင် လုံခြုံရေးဆိုင်ရာ ပြင်းထန်သက်ရောက်မှုအညွှန်းကိန်းကို (မြို့နယ်အလိုက် တိုက်ပွဲဖြစ်ပွားမှု၊ လေကြောင်းတိုက်ခိုက်ခံရမှု၊ နေအိမ်၊ အဆောက်အအုံမီးရှို့ဖျက်ဆီးခံရမှုနှင့် သေဆုံးမှုများကို အခြေခံ၍) ထည့်သွင်းလေ့လာခဲ့ပါသည်။

အာဏာသိမ်းမှုအလွန် သုံးနှစ်တာကာလအတွင်း တရုတ်-မြန်မာနှစ်နိုင်ငံအကြား တရားဝင်နယ်စပ်ကုန်သွယ်ရေးစခန်းငါးခု၏ ကုန်သွယ်မှုတန်ဖိုးစုစုပေါင်းမှာ အမေရိကန်ဒေါ်လာ ၉ ဒသမ ၃ ဘီလီယံနီးပါး ရှိခဲ့သည်။

နိုင်ငံအနှံ့ မြို့နယ်ပေါင်း ၃၃၀ ရှိသည့်အနက် အာဏာသိမ်းမှုအလွန် သုံးနှစ်ကျော်ကာလအတွင်း မြို့နယ်ပေါင်း ၂၃၃ ခုထက်မနည်း(၇၀ ရာခိုင်နှုန်း)တွင် တိုက်ပွဲပေါင်း ၁၄,၃၁၇ ကြိမ်ထက်မနည်း ဖြစ်ခဲ့သည်။

‘စစ်ဆင်ရေး ၁၀၂၇’ နောက်ပိုင်း တိုင်းရင်းသားလက်နက်ကိုင်တပ်ဖွဲ့များနှင့် တော်လှန်ရေးအင်အားစုများက မြို့ ၅၃ မြို့ထက်မနည်းကို သိမ်းယူနိုင်ခဲ့သည်။ ယင်းတို့အနက် လေးမြို့(ရှစ်ရာခိုင်နှုန်း)မှာ မြန်မာ-ဘင်္ဂလားဒေ့ရှ် နယ်စပ်ခရိုင်များအတွင်းမှ ဖြစ်သည်။