နိုင်ငံအနှံ့ မြို့နယ်ပေါင်း ၃၃၀ ရှိသည့်အနက် အာဏာသိမ်းမှုအလွန် သုံးနှစ်ကျော်ကာလအတွင်း မြို့နယ်ပေါင်း ၂၃၃ ခုထက်မနည်း (၇၀ ရာခိုင်နှုန်းကျော်) တွင် တိုက်ပွဲပေါင်း ၁၄,၃၇၄ ကြိမ်ထက်မနည်း ဖြစ်ပွားခဲ့သည်။

အာဏာသိမ်းမှုအလွန် နိုင်ငံအနှံ့ လက်နက်ကိုင်ပဋိပက္ခများအတွင်း စစ်ကောင်စီ တိုင်းစစ်ဌာနချုပ်များ၏ အခြေအနေကို ဖော်ပြထားခြင်းဖြစ်သည်။ တိုင်းစစ်ဌာနချုပ် ၁၄ ခုရှိသည့်အနက် ၁၀ ခုတွင် လက်နက်ကိုင်တိုက်ပွဲများ ပြင်းထန်လျက်ရှိသည်။

မြို့နယ်များ၏ ပဋိပက္ခပြင်းထန်သက်ရောက်မှု အခြေအနေကို ISP-Myanmar က အညွှန်းကိန်းသုံးခုဖြင့် မြို့နယ်တခုချင်းစီအလိုက် လေ့လာခဲ့ပါသည်။

နိုင်ငံအနှံ့ ပြည်သူ့ဝန်ဆောင်မှုဆိုင်ရာ အညွှန်းကိန်း အကျပ်အတည်းမြင့်မားနေသည့် မြို့နယ်ပေါင်း ၁၀၀ အထိ ရှိခဲ့ပြီး စစ်ကိုင်းတိုင်းမှ ၂၇ မြို့ပါဝင်ကာ အများဆုံးဖြစ်ခဲ့သည်။